14 сентябрь куни Афғонистоннинг Ҳайратон шаҳрида Афғонистон халқига инсонпарварлик ёрдами топширилишига бағишланган тантанали маросим бўлиб ўтди, деб хабар бермоқда Ўзбекистон ТИВ матбуот хизмати.
Хабарда айтилишича, ун, турли озиқ-овқат маҳсулотлари, бирламчи зарур товарлар, дори-дармонлар, кийим-кечак ва пойабзаллардан иборат мазкур инсонпарварлик ёрдами ўзбек халқининг биродар Афғонистонга кўрсатаётган хайрихоҳлигининг яна бир ифодасига айланди. Ariana News маълумотларига кўра, 1,3 тоннадан иборат мазкур ёрдам бутун мамлакат бўйлаб кам таъминланган афғон оилаларига тарқатилади.
