Ўзбекистон Республикаси ИИВ маълумотларига кўра, 2022 йил давомида республика ҳудудида жами 9902 та йўл-транспорт ҳодисалари содир этилган, шундан 2086 таси ўлим, 7816 таси тан жароҳати билан боғлиқ ҳолатларни ташкил этди. Йўл˗транспорт ҳодисалари оқибатида моддий зараркўрганларнику айтмаса ҳам бўлади.
Суд қарорларига асосан ҳуқуқбузарлик ёки жиноятлар оқибатида жабрланувчиларга етказилган моддий зарарни ундириш Мажбурий ижро бюроси органлари томонидан амалга оширилади.
Йўл-транспорт ҳодисаси оқибатидажабрланувчиларга етказилган моддий зарарларни ундириш ҳақида чиқарилган суд қароринингижроси таъминланди.
Жумладан, Жиноят ишлари бўйича Яккасарой туман судининг 18.02.2023 йилдаги ижро варақасига асосан қарздор М.Обидовдан ундирувчи М.Кошкинфойдасига 50 млн. 289 минг сўм ҳамда ундирувчи Н.Юлдашев фойдасига 1 млн. 172 минг сўм миқдорида моддий зарар ундириш тўғрисидагиижро ҳужжати Бюронинг Бухоро туман бўлими иш юритувига келиб тушган ва ижро ҳаракатларига киришилган.
Қарздорга ижро ҳужжати мазмун-моҳияти тушунтирилиб, бартараф этиш учун ихтиёрий муддат берилган бўлсада, ижро ҳужжати талаблари бажарилмаган.
Давлат ижрочиси Б.Амонов томонидан қарздорнинг номидаги ва яшаш манзилидаги мол-мулкларни хатлаш борасидаги мажбурий ижро ҳаракатларига киришилгандан сўнг, ноилож қолган қарздор ижро ҳужжатида кўрсатилган қарздорликни ундирувчилар фойдасига тўлиқ қоплаб беришга мажбур бўлди.
Бюронинг Бухоро вилояти бошқармаси
