Уйчи ва Музработ туманларида фуқароларнинг ўқишини кўчириб беришни ўзига касб қилиб олган фирибгарлар ушланди
Бош прокуратура ҳузуридаги Департаментнинг Уйчи туман бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда, “I.I.”МЧЖ иш юритувчиси М.Т. фуқаро М.Ж. ва бошқаларнинг ишончига кириб, уларга чет давлатда таҳсил олаётган талабаларни Ўзбекистон Республикасидаги Олий таълим муассасаларига кўчириш фаолияти билан шуғулланишини айтиб, 2021 йилнинг июнь-декабрь ойларида 4 нафар ота-онанинг фарзандларини ўқишини кўчириб бериш эвазига 6 700 АҚШ доллари ва 1,4 млн сўмини қўлга киритганлиги аниқланиб, шундан 1 200 АҚШ долларини қайтарганлиги процессуал тартибда расмийлаштирилган.
Шу каби, Департаментнинг Музработ туман бўлими томонидан ўтказилган тезкор тадбирда, Термиз муҳандислик-технология институти жисмоний тарбия ўқитувчиси Ш.А. фуқаро Ф.нинг Тожикистон Республикасидаги Олий ўқув юртидаги ўқишини 900 АҚШ доллари эвазига ўзи ишлаётган институтга кўчириб беришни ваъда қилиб, шундан 800 АҚШ долларини олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
👉 t
