Кейинги йилларда Бухоро вилояти Шофиркон тумани ҳам улкан бунёдкорликлар майдонига айланган. Хусусан, инвестиция, “Обод қишлоқ” ва “Обод маҳалла” давлат дастурлари доирасида жорий йилда қатор ижтимоий соҳа объектлари қад ростламоқда ва фойдаланишга топширилмоқда. Бироқ бу борада ҳали қилиниши лозим бўлган ишлар ҳам талайгина.

Июль ойида туманда 2021 йилда инвестиция, “Обод қишлоқ” ва “Обод маҳалла” ҳамда уй-жой қуриш дастурларига асосан олиб борилаётган ишлар бевосита вилоят хокими Ботир Зарипов бошчилигидаги ишчи гуруҳ томонидан жойига чиққан холда ўрганилган ва мавжуд муаммоларни бартараф этиш буйича чора-тадбирлар белгиланган эди.

Айни пайтда  белгиланган вазифалар ижроси маҳалла фуқаролар йиғинлари раислари иштирокида кенг муҳокама қилинмоқда.