ГРАНТ ЛОЙИҲА АМАЛДА “BUXORO YOSHLARI” ГАЗЕТАСИ ТОМОНИДАН “МУСТАҚИЛЛИК МЕХАНИЗМИ” СОЦИОЛОГИК СЎРОВНОМА ЎТКАЗИЛМОҚДА
Халқ депутатлари Бухоро вилояти Кенгаши ҳузуридаги нодавлат-нотижорат ташкилотларини ва фуқаролик жамиятининг бошқа институтларини қўллаб-қувватлаш Жамоат фонди маблағларини бошқариш бўйича ижтимоий аҳамиятга молик лойиҳаларни амалга ошириш учун берилган давлат гранти олган “BUXORO YOSHLARI” газетасининг “ЯНГИ ЎЗБЕКИСТОНДА ЭРКИН ВА ФАРОВОН ЯШАЙЛИК!” лойиҳаси доирасидан ўрин олган “Мустақиллик механизми” социологик сўрови ўтказилди. Мазкур сўровлар вилоятдаги мавжуд олийгоҳлар, давлат ташкилотлари ва идораларида ўтказилмоқда.
“Мустақиллик механизми” социологик сўровномаси шартига кўра, иштирокчилар ижтимоий-сиёсий, иқтисодий, маданий-маърифий, маънавий-мафкуравий ва мантиқий саволларга жавоб берадилар.
Мазкур сўровнома орқали ҳар бир кишининг мамлакатимизда содир бўлаётган ўзгаришлар, турли соҳаларда юз бераётган туб бурилиш ва ислоҳотлар, 30 йил ичида босқичма-босқич эришилган натижалардан нечоғли хабардорлиги аниқланади.
